Суут бастакы инстанцията - Уус Алданнааҕы территориальнай суукка буолбута. Санаайа педофилияҕа буруйдаммыт киргиз киһитин "дойдутугар депортациялыахха наада" диэн интернеккэ комментарийдаабытын булан ылан "экстремизмҥэ" буруйдаабыттара.Элбэх оҕолоох эдэр дьахтары Үрдүкү суукка адвокат Ольга ТИМОФЕЕВА (Афанасий МАКСИМОВЫ көмүскээбитэ) көмүскээтэ. Бастатан туран, адвокат, АНТИПИНА комментарийын экспертизэҕэ сыыһа-халты тылбаастаабыттар, бүтүн этииттэн "наадалаах" эрэ этиилэрин уһулу тардан ылбыттар диэтэ. Аны, суут - оһуобай бэрээдэгинэн дьүүллэммитэ - АНТИПИНА сууту-сокуону билбэтинэн сыҕайан үктэтии буолла диир. Санаайаны инники көмүскээбит адвоката уонна силиэдэбэтэллэр бутуйаннар, сууту "оһуобай бэрээдэгинэн" ыытарга илии баттаппыттар. Дьиҥинэн, "оһуобай бэрээдэгинэн" сууттааһын - буруйу толору билинии буолар. АНТИПИНА буруйдаахпын диэн төрүкү санаммат. Кини оннугар атын элбэх оҕолоох ыал ийэтэ бары педофилияны утарыах этилэр. Судьуйа ааһыныыны ылыммата уонна бастакы суут уурааҕын уларыппата - бириигэбэр оннунан хаалла. ***Aartyk.Ru
Источник: aartyk.ru