Adult Search

Якутский республиканский комитет

Коммунистической партии Российской Федерации

Адрес: Республика Саха (Якутия),
г. Якутск, ул. Октябрьская, дом 3
Телефон: +7 (411) 23-66-151
Электропочта: mgm_2004@mail.ru

Главные

события

классовой

борьбы

Красный Первомай в Якутии: «Хватит терпеть!»
Будем достойными наследниками Победы!

Ону таһынан нэһилиэктэр олохтоох Сэбиэттэригэр 21 киһини депутатка кандидатынан мэктиэлээбиттэрэ. Онон бу быыбар биһиги улууспутугар улахан суолталаах быыбар буолар. Ким да бу быыбарга кыттартан туора турбакка, актыыбынайдык кыттан бэйэлэрин санааларынан салайтаран, куоластарын туһааннаах кандидаттарга биэрэллэрэ күүтүллэр. Ханнык да таһымнаах быыбардарга ханнык кандидаты, ханнык партияны талан ылбытынан олохпут тускула, экономическай-социальнай сайдыыта ол хайысханан барарын ааспыт быыбардар түмүктэрэ чуолкайдык дакаастыыллар. Биһиги Россия дьоно, быыбардааччылара буоламмыт дойдубут атын тутулга – хапытаал былааһыгар отуттан тахса сыл олорон, кини ис дьиҥин билэн кэллибит. Хомойуох иһин хапытаал былааһа бу сыллар тухары норуот олоҕун таһымын, хаачыстыбатын тупсарарга элбэҕи эрэннэрбитэ да, күн бүгүн дойдубутугар буоларын курдук биһиги өрөспүүбүлүкэбитигэр, улууспутугар үлэтэ суохтар, күннээҕи олохторугар нэһиилэ тиинэн олорор, дьадайбыт олохтоох дьоммут ахсааннара сыл ахсын эбиллэн иһэр.
Итини таһынан үөрэх, доруобуйа харыстабылын эйгэтигэр баар төлөбүрдэри киллэрбэккэ туран, электричество, газ, олох-дьаһах коммунальнай хаһаайыстыба онорор өҥөлөрүн тарифтара үрдүү тураллара, ас-таҥас, промышленнай табаардар, бензин тутуу матырыйаалларын сыаналара улаата, үрдүү тураллар. Итиниэхэ үлэлиир киһи, пенсионер, үлэтэ суохтар сөптөөх хамнаһы,пенсияны, пособияны ылаллар дуо диэн сиэрдээх боппурус турар.
Онуоха бу олорор олохпут капиталистическай системата ону хааччыйбата.Төттөрүтүн барҕа баайдаах дойдубут сирин баайын-дуолун тус бэйэлэрин туһаларыгар ылбыт чааһынай тэрилтэлэр, хампаанньалар салайааччылара – олигархтар хамсаабат баайдара, үлүскэн үптэрэ, дохуоттара эбиллэ улаата турар. Эбэтэр байбыт байа турар, дьадайбыт дьадайа турар олоҕо буолла. Оттон дойдуну салайан олорор чиновниктар бэйэлэрин туһаларыгар үбү-харчыны өлгөмнүк туһаналлар. Тоҕо итиннигий? Эппиэтэ борустуой. Хапытаал былааһа бэйэтин туһатыгар борустуой үлэһит норуоттан уоран, халаан, сүүлүктээн, кыра-хара кыаммат киһини албыннаан, баттаан, атаҕастаан "барыһы" эрэ суйбурдаан ыларга айылҕалаах "Адьыр5а" систиэмэтин тутула буоларын итэҕэттэ. Бу сыллар тухары дойду капиталистическай систематын тутулугар үлэһит норуот, нэһилиэнньэ араас араҥатын тирээн турар кыһалҕалаах боппуруостарын, социальнай-экономическай балаһыанньаларын тупсарыыга ситимнээхтик туруулаһар, охсуһар оппозиционнай партиянан Российскай Федерация Коммунистическай партията буолар.
Биллэрин курдук Аан дойдуга киһи-аймах олоҕун икки утары систиэмэ тутула: капитализм уонна социализм тутан олорор. Кэнники бириэмэҕэ капитализм тутулун эйгэтигэр туспа ыарахаттар үөскээннэр Аан дойду политическай-экономическай олоҕор уустук быһыы-майгы үөскээтэ. Онон сиэттэрэн биһиги дойбутугар киһи быраабын күөмчүлүүр уураахтар, сокуоннар өссө эбии ылыллан иһиэхтэрин сеп.
Онно эбии сыана үрдүү, өҥөнү онорор иһин төлөбүрдэр улаата, нолуоктар элбии тураллара, тыа хаһаайыстыбатын ыарахан балаһыанньата биир сиртэн ситимнээх буоларын, эбэтэр хапытаал былааһын тутан олорор салалта, Гос. Дуумаҕа былаас партиятын депутаттара тутан олороллорун таба өйдөөҥ.
Российскай Федерация Коммунистическай партията бэйэтин программатыгар ыйбытын курдук, коммунистар үлэһит киһи интэриэһинэн салайтаран, нэһилиэнньэ киэҥ араҥатыгар тирэҕирэн үлэлэрин ситимнээхтик, утумнаахтык ыыталлар. Сүрүн сорукпут - боростуой дьон, үлэһит киһи уонна Ийэ дойдубут интэриэһин көмүскээһин. Киһи киһини атаҕастыа, баттыа, сүүлүктээн байыа суохтаах. Бу ыра санаа кэнэҕэски ыччаппытыгар ыҥырар сулус буолуо диэн бигэ эрэллээхпит! Улуу убайбыт Платон Ойуунускай: «Хапытаал былааһа ханна да хаалбатын!” - диэн ыҥырыыта билиҥҥи кэмҥэ ордук суолтаах.
Убаастабыллаах быыбардааччы! Өскөтө Эн сиэрдээх социальнай олох диэки: үлэһит норуот, нэһилиэнньэ кыһалҕаларын, улуус, нэһилиэк социальнай, экономическай, культурнай сайдыытын социалистическай олох принциптэринэн салайтарыаххын баҕарар буоллаххына бу буолаары турар быыбардарга РФКП-тан турбут улуус баһылыгын дуоһунаһыгар кандидат Нестеров К.Г., Аллараа-Бэстээххэ – Еремеев М.А., Суола-Мэлдьэхсигэ – Плотников У.П. уонна нэһилиэктэр депутаттарыгар кандидатынан турбут коммунистарга куоласкын биэрэргэр ыҥырабыт!
Биһиги дьыалабыт кырдьыктаах — биһиги кыайыахпыт!

РФКП Мэҥэ-Хаҥалас улууһунааҕы отделениетын оройуоннааҕы комитета.