Adult Search

Якутский республиканский комитет

Коммунистической партии Российской Федерации

Адрес: Республика Саха (Якутия),
г. Якутск, ул. Октябрьская, дом 3
Телефон: +7 (411) 23-66-151
Электропочта: mgm_2004@mail.ru

Главные

события

классовой

борьбы

Красный Первомай в Якутии: «Хватит терпеть!»
Будем достойными наследниками Победы!

 Маны таһынан, кинилэр Майаҕа Мэҥэ-Хаҥалас улууһун баґылыгын бастакы солбуйааччы Семен Потаповы кытта көрүстүлэр. Кэпсэтии Саха АССР 100 сылыгар аналлаах тэрээһиннэргэ улуус коммунистарын кыттыыларын уонна этиилэрин тула барда.

Вячеслав Куличкин уонна Валерий Филиппов Хаптаҕай нэґилиэгин маІнайгы сүһүөх партийнай тэрилтэтин отчуоттуур-быыбардыыр мунньаҕар сырыттылар. Олохтоох партийнай тэрилтэ секретара Анастасия Кривошапкина отчуоттаата. Партийнай тэрилтэ аҕыйах сыллааҕыта Анастасия Семеновна көҕүлээһининэн тэриллибитэ.

Бастаан учуокка үс эрэ коммунист турара. Партийнай тэрилтэ секретара Анастасия Кривошапкина нэһилиэк бэтэрээннэрин Сэбиэтин бэрэссэдээтэлинэн үлэлээбит уонна нэһилиэк Сэбиэтин депутатын быһыытынан аптарытыаттаах буолан, дьону-сэргэни бэйэтигэр күүскэ тарпыта. Кини олоххо-үлэҕэ актыыбынай позицията, тэрийэр-түмэр дьоҕура, нэһилиэк кыһалҕаларын быґаарсыыга тиийимтиэ тыллары этиитэ, нэһилиэк олохтоохторун ортотугар коммунистар оруолларын үрдэтиигэ төһүү күүс буолбута.

Анастасия Кривошапкина РФКП норуот олоҕун тупсарарга туруорсар, утумнаахтык ыытар политикатын олоххо киллэриигэ эрэллээх, актыыбынай халбаҥнаабат позициялаах коммунист буоларын өссө төгүл дакаастаата.

Бу мунньахха икки киһини РФКП кэккэтигэр чилиэнинэн ыллылар. Онон партийнай тэрилтэ эбиллэн, 9 коммунистаах партийнай тэрилтэ буолла. Ааспыт сылларга коммунистар олохтоох дьаһалтаны кытта уопсай тылы булан, нэһилиэк туһа диэн араас хайысхалаах үлэни ыытан актыыбынайдык үлэлээтилэр.

Быйылгы юбилейдаах сылга биир дойдулаахтара Гаврил Семенович Самсонов төрөөбүтэ 120 сылын бэлиэтээһин үлэлэригэр кыттарга бэлэмнэнэллэр. Хаптаҕайдааҕы маҥнайгы сүһүөх партийнай тэрилтэтэ секретарынан Анастасия Кривошапкина хаттаан талылынна.

Отчуоттуур мунньахха Вячеслав Куличкин уонна Мэҥэ-Хаҥалас улууһунааҕы Мунньах депутата Валерий Филиппов кыттыыны ыллылар.

Валерий ФИЛИППОВ,

РФКП Мэҥэ-Хаҥаластааҕы райкомун

бастакы секретара.

«Коммунист» хаһыат, № 6 (695).